بسم الله الرحمن الرحيم ..
السلام عليكُم ورحمة الله وبركاته ..
.
.
.. أبداء مُشواري بهذه الصرح الشَامخ ..
.. بِهَذه المُتواضعه .. عَلها تروُق لكُم ..
.
.
الشمس غابت ,, والفضاء بان ليلـه=وعم الظلام ,, ولا بقى عقبـه أنـوار
ليلـي كئيـب ,, والليالـي طويله=فيها الملـل متشابهـه دووم تكـرار
البارحـه نفسـي تزايـد غليـلـه=طفشان حيل وحالتي سقـم وأمـرار
مليت مـن نفـسٍ ضعيفـه عليلـه=ماتقبل الواقـع ووقعـات الأقـدار
مـرات أسايرهـا ولكـن قليـلـه=وأعاتبـه مـرات مـرات وأمـرار
عجزت منها , أنهـد حيلـي وحيلـه=أحيان ترضى وأغلب أحيان تحتـار
أشوفهـا شالـت أهـمـوم ثقيـلـه=وأشفق عليها وأعتذر لـه بالأعـذار
هذي سوات الحـظ وهـذا حصيلـه=نفسٍ تعذبني علـى كـل ماصـار
حاولت جاهد بين نصـح ووسيلـه=أسلك طريقٍ غير في عزم وأصرار
أصـد , وأرجع , وأتناسـى وأجيلـه=ويرجع , وأصده والبلاء له تذكـار
أنثر أهمومي بالـورق ثـم أكيلـه=مابين جزر ومد وأغياب وأحضار
كم مـرةٍ عينـي دموعـه هميلـه=تشكي زمانٍ فات والدمع مـن نـار
أخفي دموعي في كفوفـي وأزيلـه=وأمسح علامات التعاسـه والأكـدار
أضحك ,, وقلبي مات في غب ويلـه=خوفي ,, شماتة ناسٍ أصغار وأكبار
ديمومـةٍ فيهـا الأمانـي هزيـلـه=حتى الفـرح ماعادلـه أي تعبـار
إن قالـو : الدنيـا علينـا أحليـلـه=قلت : الزمن جبـار والوقـت غـدار
كنت أحسب الأيـام حلـوه جميلـه=وأثر الجمال إيروح في لمح الأبصار
أكفوفهـا غبـراء علينـا بخيـلـه=وإشباكها تسطي بلا سابـق إنـذار
مزن الفرح وش عاد لـوي أخيلـه=ماينفع الصبخاء كثيـرات الأمطـار
أعتـاد قلبـي كـل حـزنٍ يشيلـه=ماهو قهر ,, إلا من الضيـم منهـار
كل الأمانـي والمُنـى بـي قتيلـه=ماتت على سيفٍ من اليـأس بتـار
دورت من يشكي علـي وأشتكيلـه=قلبٍ نصوحٍ صادقٍ مخلـصٍ بـار
ودي أسولـف بالخفـى وأحكيـلـه=وأخبره عـن دم قلبـي والأسـرار
وشلون كانت فـي حشايـا فسيلـه=غرسٍ نمى وأصبح متاهات وأشجار
أغصانهـا شقـت ضلـوعٍ جليلـه=وتبيّنت من فوق صـدري للنظـار
مهما أحاول ,,, أنخضـع وأنحنيلـه=أسهر وأردد مانظمته مـن أشعـار
هـذي وهـذي حالتـي كـل ليلـه=من غيبتك يالشمس ألا حد الأسحـار
.
.
سطام الكاملي
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
! مُصافحه أُولى ! 
العرض العادي
