ياويل حالي
ياويل حالي عايش بدون احباب
كل الي حبيتهم تركوني
ياويل قلبي وينهم الاصحاب
اناديهم وما يسمعوني
هديت قلبي للناس والاقراب
وبقسوة قلوبهم جرحوني
اساعدهم وانا كلي اتعاب
وان احتجت لهم هملوني
زمن الحب فيه مثل السراب
اناظره من بعيد لين ما تتعب جفوني
احسد الطير كلما مشى فوق السحاب
وادري ب(ليش) راح تسألوني
لاني ما اشوفهم غير اسراب
وانا جاعد لحالي انطرهم يجوني
كل الي حولي صاروا اغراب
محد يدري عن حزني وشجوني
كني قمر وكنهم شهاب
يمرون وادريبهم يشوفوني
مدري ان كان فيني شي ينعاب
ليه كلما حبيتهم يملوني؟
تكفون قولولي مابي اعيش في عذاب
قولولي ليه ما تحبوني؟
ابي اسمع لهالسؤال جواب
وان بغيتوا افديكم بعيوني
بس لاتهجروني بدون اسباب
ابي اعرف ليه ما تبوني؟
قلبي المسكين في حبكم ذاب
ولا داري انكم نسيتوني
صارت الصحبة ثمن حفنة تراب
وسلامتكم..
الإهداءات
العرض العادي
