نواف
03-15-2007, 06:47 PM
انا واحد مهما كتبت ومهما عايشت من احداث واختلافات وتطور وعالم سريع تكنولوجي إلا إني احس ان هاذي الاشياء كلها بواهت يعني مافيها اي طعم ممتع .... ماأدري ليش ؟ الضكحة اللي نضحكها بثواني قليلة نهجرها وننسى اصلاً ليش ضحنا .. الناس مستعجلة والقافلة داعسه والغبار وراها ، الأفكار مشتته .. يقولك بعض اصحاب المواعيد يالله نشوفك بكره وماتشوفه إلا عقب سنة ولما تقابله مافيه حرارة وما عاد فيه علوم رجال يعني كانك مقابل هندي صديق .. الكلام والمكبوتات ما تطلع وبانية لها بيت في الجوف " اقصد جوف الانسان وما اقصد الجوف وسكاكا " ،، متعلقة في عروق القلب آلاف الصدمات الوجدانية ومتعلقة في خلايا المخ آلاف الخلايا التالفة العصبية جراء التثبيت للاحداث الغير سارة .. والموجعة والمفجعة ... صحيح أننا نسى بعض المواجع والجروح ولكن سبحان الله يبقى لها تأثير وصدى طيلة الحياة .. تحس ان ودك تتنفس وفيك كتمه وانت في عمق الهواء تحس إنك وحداني وانت في عز الزحام ... تروح وتجي للعمل وما تدري اي يوم هاذا اليوم من ايام الاسبوع اللي تنقضي وكانها دقيقة .... الوقت يمضي بسرعة قياسية ومرارة ونكهة الألم موجودة " زي دعاية ليبتون الوقت يمضي والنكهة تبقى " امحق نكهة ....
مهما وصلت إلى مكانة عملية اجتماعية تحس انك مثلك مثل القهوجي اللي في نفس الدوام ... رغم وسائل الترفيه الكثيرة والكبيرة إلا انك تحس انها مالها اي داعي وتسليك لعدة لحظات فقط .... قلنا يمكن فيه نقص في الحياة لكن الظاهر العلة داخلية ... كنت اتمنى إني ما عشت هاذي الحياة وعشت في زمن القدماء ،، كنت اتمنى إني اكون من بين الجماهير الغفيرة اللي يستمتعون لغناء السيدة " ام كلثوم" , ولو إن ما فيه مكيفات سبيليت ذيك الايام لكن الله يخلي قطع الكراتين بس فيه طعم ووناسة للحياة وأنا متأكد ، كنت اتخيل إني اطلع من حفلة غنائية قديمة والقى وحدة واقفة واقولها تسمحي اوصلك يا مزموزيل ؟ وتقولي ورا ما تنثبر إنت ووجهك ؟ يمكن تقولون هاذا إحساس مكتئب .. لكن هاذ هو الواقع الذي يعاني منه الكثير .. يقولون إن الإكتئاب يكون نسبة منه موروثة عن طريق حليب الأم ودايماً اشوف امي جالسة لحالها وطفشاته " الله يخليها" واقولها بطريقة غير مباشرة : يمه ليش ما رضعتيني بحليب نيدو ؟؟ وتقول لو فيه نيدو ذيك الايام ما كان هذا وجهك .. عاد اقول أفاااااا...
ما أدري الجيل الحديث في هاذا الزمان يحس بنفس الإحساس لطفولته مثل ما عاشها الناس القدمااء؟
تتمنى إنك تعيش في نفس زمنك أو تتمنى إنك ترجع لزمن البساطة ؟
ليش ما نكتب كل ما نحس به ونكون أكثر جرأة من كثرة المجاملات ؟
متى تجي اللحظة ونصارح انفسنا ونصارح الناس بكل ما يضايقنا؟
ماهو الحل فيمن يحس أن عالمه غير ؟ يروح للفضاء يعني ؟؟؟؟؟؟
* كل وجهة نظر قابلة للتأييد أو المعارضة .
إني أكتب لنفسي وللمنتدى ولكم وكم يثلج قلبي هو تعليقكم
فإن علقتموا ياسادة شكراً لكم وإن تنحيتو جانباً اقول مابالكم
أأنتم تتفققون معي!!! أم أن إحساسي قديم غريب بينكم
اخوكم / نــــــــــــواف
.
مهما وصلت إلى مكانة عملية اجتماعية تحس انك مثلك مثل القهوجي اللي في نفس الدوام ... رغم وسائل الترفيه الكثيرة والكبيرة إلا انك تحس انها مالها اي داعي وتسليك لعدة لحظات فقط .... قلنا يمكن فيه نقص في الحياة لكن الظاهر العلة داخلية ... كنت اتمنى إني ما عشت هاذي الحياة وعشت في زمن القدماء ،، كنت اتمنى إني اكون من بين الجماهير الغفيرة اللي يستمتعون لغناء السيدة " ام كلثوم" , ولو إن ما فيه مكيفات سبيليت ذيك الايام لكن الله يخلي قطع الكراتين بس فيه طعم ووناسة للحياة وأنا متأكد ، كنت اتخيل إني اطلع من حفلة غنائية قديمة والقى وحدة واقفة واقولها تسمحي اوصلك يا مزموزيل ؟ وتقولي ورا ما تنثبر إنت ووجهك ؟ يمكن تقولون هاذا إحساس مكتئب .. لكن هاذ هو الواقع الذي يعاني منه الكثير .. يقولون إن الإكتئاب يكون نسبة منه موروثة عن طريق حليب الأم ودايماً اشوف امي جالسة لحالها وطفشاته " الله يخليها" واقولها بطريقة غير مباشرة : يمه ليش ما رضعتيني بحليب نيدو ؟؟ وتقول لو فيه نيدو ذيك الايام ما كان هذا وجهك .. عاد اقول أفاااااا...
ما أدري الجيل الحديث في هاذا الزمان يحس بنفس الإحساس لطفولته مثل ما عاشها الناس القدمااء؟
تتمنى إنك تعيش في نفس زمنك أو تتمنى إنك ترجع لزمن البساطة ؟
ليش ما نكتب كل ما نحس به ونكون أكثر جرأة من كثرة المجاملات ؟
متى تجي اللحظة ونصارح انفسنا ونصارح الناس بكل ما يضايقنا؟
ماهو الحل فيمن يحس أن عالمه غير ؟ يروح للفضاء يعني ؟؟؟؟؟؟
* كل وجهة نظر قابلة للتأييد أو المعارضة .
إني أكتب لنفسي وللمنتدى ولكم وكم يثلج قلبي هو تعليقكم
فإن علقتموا ياسادة شكراً لكم وإن تنحيتو جانباً اقول مابالكم
أأنتم تتفققون معي!!! أم أن إحساسي قديم غريب بينكم
اخوكم / نــــــــــــواف
.