ماظن يكفيني معـك ود وعتـاب
ولا أظن تجزيني كثيـر الهدايـا
توهتني والرأي من دوننـا بـاب
سكرتـه بوجـه المسـا والحكايـا
يا ما تبينتك وفـا قلـب كـذاب
بس كنت أماري فيك غيظ الصبايا
تدري : احبك حب ماهو بإعجـاب
إلا سنينـي غارقـة فـي هـوايـا
وكلتك الله وأنت بي كيف ماتاب
قلـت بحبـك ذاق مـر العطـايـا
لو هو بشوري ماتعلقـت بأسبـاب
صدك وموتـي وارتبـاك المرايـا
ولو هو بيدي كم تناسيـت غيـاب
مير البلا منهو سكن فـي الحنايـا
حاولت أحبك وأنت صادق وجذاب
والحين أحبك وأنت خاين هوايـا
مادام طبعك بالهوى شـوق لعـاب
يبقى الفراق أصدق معاني وفايـا
وربي أحبك غير عن كل الأحبـاب
ولا أظن تجمعنـا كثيـر الهدايا
م
ن
ق
و
ل
تحياتي