اكبر غلطه غلطتها في حياتي وماضن اغلط غلطه اكبر منها واهي
كان ابوي الله يرحمه في العنايه وبالتحديد عناية القلب والخطا الي اخطيته اني كان ابوي الله
يرحمه جالس في العنايه يومين فيها بدون وعي كان فاقد الوعي بسبب جلطه من البرد وكنت عنده
مرافق انا واخواني وطلعت قبل وفاته بدقيقه او دقيقتين بس وصلت عند باب المستشفى ابي ادخن و
ارجع يوم وصلت الفت تذكرت ان الولعه مع اخوي الي اكبر مني ورجعت وانا راجع للغرفه اسمع بكا
وصياح وقلت الله يستر بس وقعدت اركض للغرفه وفجآه الا عند الباب اخوي الكبير يقول ارجع قلت
ابي اجلس عند ابوي قال خلاص لك يومين مانمت ارجع نام خل مخك يريح شوي قلت خلني ادخل ابي
اشووف ابوي واطلع انام حسيت انو في شي في الموضوع رفض انه يخليني ادخل وفجآه دخل علينا
عمي جآي يتطمن على ابوي يوم جآء على طوول ناظرت لعيون اخوي ىلكبير الا وقعد يبكي وقال
عمي وش فيك قال ابوي يطلب منكم الرحمه والدعاء ودخلت بالغصب الا واناظر الا شايلين الاجهزه
منه كان على جهاز تنفس اصطناعي وشالو عنه كل الاجهزه
المهم انه اكبر غلطه غلطتها في حياتي اني طلعت من الغرفه بسبب دخان وماضن اني راح اغلط اكبر
منها