هــــذا اهــــــداء مني لكل عضو صــــار له مشكله مع اخوه او اخته......... ...........

حـــبXحـــب · منذ /10-12-2006, 04:37

السلام عليكم ورحمة الله وبركاته

ما مثل أخوك اللي يحبك ويغليك

إهداء: إلى كل من نزغ الشيطان بينه وبين أخيه ونسي أن العمر يمضي وكل شيء إلى زوال

وأن خيرهما الذي يبدأ بالسلام
قصيدة ثمينة ومؤثرة للشاعرة / ليلى سعد عباس الحربي تقول فيها:

الناس واجد مير ما مثل الاخوان .... ما مثل اخوك اللي يحبك ويغليك

ما مثل اخوك اللي صدوق ومعوان .... تفديه بالغالـي وبالـروح يفديـك

يشكي لك جروحه وهمه والاحزان .... ولا ضاقت الدنيا بهمك يواسيـك

لو كان لك ربعٍ ونـاسٍ وجيـران .... ما مثل اخوك اللي عن الناس يغنيك

أخوك هو عزك ولو كان ما كـان .... يبيع كل الناس لأجلك ويشريـك

أنا أشهد أنه لك على الصدر نيشان .... تاجٍ على راسك وستـر يغطيـك

وانا اشهد انه مـا يثاقـل بميـزان .... مثل الذهب والماس مافيه تشكيك

وانا اشهد إنه ما يقـدر بالاثمـان .... عن العدو حصـن ودرع يوقيـك

إياك لا تفتـح طريـق لشيطـان .... بينك وبينه جعـل ربـي ينجيـك

ولا تستمع لاجاك علان وفـلان .... يا كثر ما تسمع من اللي يعاديـك

ولا تجعل لغيرك على العقل سلطان .... ترى كثير اللي بشـوره يدهويـك

ترى الدهر دوار يا سرع الأزمـان .... يومٍ تواريـه الثـرى أو يواريـك

تقول يا ليت الذي كـان ماكـان .... يا ليتني بالقبر جنبـك واخاويـك

يا ليتك تعود واضمك بالاحضـان .... أضمك لصدري واقبـل أياديـك

يا ليتك تعود ترى القلـب ندمـان .... وده يسوق المعذرة ثـم يراضيـك

مير البلا يا ليت مـاردت إنسـان .... ويا ليت ما تمحي ظلام بما ضيـك

تماكن الدنيا وواصـل بالاحسـان .... قبل الندم يطويك والهـم يبريـك

ونهاية المشوار ما غيـر الاكفـان .... ويبقى مع السارين ذكرك وطاريك

وسلامتكم...

والله ابكتني لاني قريتها في وقت ....... اتمنى انها اعجبتكم.........

ودمتم بخير

اخــــــوكم القريب الى قلوبكم

!.... [ M Z Y O N ] ....! · منذ /10-12-2006, 05:16

آخ بس , قسم بالله قلبت المواجع ياخي ,

قصيددددة روعة من جد ,

الله يعطيك العافية اخوي ,

مسرى قهر · منذ /10-12-2006, 05:38

صح لسانك ولسان شاعرهاااا

ولاهنت علي هالنقل الاكثر من رائع

قصيده جزله ومعبره

دمت كماا تحب

تقبل تحياتي

**ِ◦.|ياقلبي إبتسم|.◦** · منذ /10-12-2006, 05:48

هلا وغلا أخوي

حُب

وصح لسان شاعرتها

وتسلم إيدك ع النقل لاهنت

قــمــر · منذ /10-12-2006, 07:39

حـــبXحـــب

الله عليك

سلم احساسك الطيب ودام نبض قلبك ولاهنت

وصح لسان كاتبتها ,,, ابيات تبكي القلب قبل العين

كلمات صادقه ومشاعر اخويه نبيله

سجل اعجابي ومروري

تقبل خالص تقديري

دمــت كما تحب

شمـوخ العـزّ · منذ /10-12-2006, 16:56

الاحقاد هي سكنينن نجيد طعنها بين أقرب

النـاس لكـ قرابـه ,, الدنيـا ليست الأ سـاعـه

فـ أزرع كـل جميلاً فيـها ..

,,

حب ..قصيده رائعه بالفعل ونقله مميزه

لا عدمنـاك

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري