11-06-2007, 07:29 PM
|
#1 (permalink)
| | ’,ع ـزتي مـالهــآ قـيــآس,’ |  تدرون ياعربان وشهي البهاذيل ؟!
لذائقتكم الراقيه ..
::
::
لايومي بيـوم ٍ ولا ليلـي بليـل
ولا السّعد مقبل ولا الهـم زايـل
ماغير ازم هموم واحـط واشيـل
ولاراح منها هـم جالـه بدايـل
تدرون يالعربان وشهي البهاذيـل
فرقى وليف وحظ مامـن صمايـل
الوصل نعمه والمفـارق غرابيـل
ياحـظ ليتـك تعتـدل ماتمـايـل
لامن بغيت اعدّلك ترجـع تميـل
كنّك تقول اعيش وامـوت مايـل
والمهرة اللي ماتعيّن مـع الخيـل
من دونها تقصر جميع الأصايـل
من دونها ضاعت عقول الحلاحيل
وتضاربت فيهـا سلـوم القبايـل
ياشيب عيني يوم قفّت وانا اخيـل
دموعها وبلٍ علـى الخـد سايـل
وانا اتصبّر وازهم العقل والحيـل
والقلب يشكي للضلـوع النحايـل
اصبر مثل صبر الرجال المشاكيل
واخبّي جروح الزمـن واتحايـل
لن الردي والهيس وخبل الرجاجيل
تفرح لا وراني الزمـان الهوايـل
وانا اترفع واترك القـال والقيـل
واجبر عزى قلبٍ على الموت آيل
أشب نار الشوق وارهي المعاميل
واريّح اعصابـي ببـدع المثايـل
ولاّ الغلا ماعاد يحتـاج تفصيـل
لنّـه مورينـي نجـوم القوايـل
ياللي غيابك حط بالقلـب تنكيـل
ويلي على قربك ولانـي بطايـل
لاغاب صوتك ماتفيـد المراسيـل
وفر على الجوال كثـر الرسايـل
والله لـو تاخـذ لدمـي تحاليـل
تلقاك بالجينـات صايـل وجايـل
حبك تعدى حب الاكـراد لأربيـل
الاّ تعـدى حـب شمـر لحـايـل
صبيت حبك مثل صـب الفناجيـل
وين الجليله تشرب اشواق وايـل
وانته تواعدني من اسهيل لسهيل
والشوق في قلبي مسوي عمايـل
ليتك تبادلني الغـلا والمواصيـل
وترد لي بعض الوفـا والجمايـل
تعبت من قولة ظروف وعراقيـل
وتعبت من قولة ياقـل الوسايـل
لاقلت انا احبك ومشتاق بالحيـل
تقول لي جعل العوض فالموبايـل
يعني انا ويـاك مثـل المهابيـل
واشباهنـا فالوقـت هـذا قلايـل
كذاب من قـال المحبـه تساهيـل
راحو ضحيتهـا عيـال الحمايـل
::
::
محمد بن فهد العرجاني .. | |
|  | |
11-06-2007, 08:37 PM
|
#2 (permalink)
| | .. شـاعر المنتدى .. | ياشيب عيني يوم قفّت وانا اخيـل
دموعها وبلٍ علـى الخـد سايـل
وانا اتصبّر وازهم العقل والحيـل
والقلب يشكي للضلـوع النحايـل
صح السان الشاعر
وتسلم يمينك ياناعم العود
الله يعطيك العافيه ماقصرتي
تقبلي مروري
نديم الشوق | |
| | |
11-06-2007, 09:59 PM
|
#3 (permalink)
| | .. مآبينْ الوٍِاوْ وٍِالدّالّ .. | :
صبيت حبك مثل صـب الفناجيـل
وين الجليله تشرب اشواق وايـل
وانته تواعدني من اسهيل لسهيل
والشوق في قلبي مسوي عمايـل
.. ناعمْ العودْ ..
كـ عادتكِ متميزهـ ورائعه ..
وصاحبة ذائقه مميزهـ وجميله ..
صح لسان شاعرها .. وصح لسانك ..
دمتي بخير
وليـد | |
| | |
11-06-2007, 10:58 PM
|
#4 (permalink)
| | ’,ع ـزتي مـالهــآ قـيــآس,’ | نديمـ الشـوٍقـ ,,
’,
’,
شرفتني اطلاااالتك بطرحـي المتوااضعـ ,,
وصحتـ جواارحك ,,
دمتـ بوٍد ,, | |
| | |
11-06-2007, 10:59 PM
|
#5 (permalink)
| | ’,ع ـزتي مـالهــآ قـيــآس,’ | حرفـ ,,
اسعدني مرورك العطــر ,,
وطلتك البهيه ,,
التــي ,, وبكل صدقـ ,,
اذهلتني ,,
’,
’,
دمتـ بوٍد ,, | |
| | |
11-07-2007, 01:26 AM
|
#6 (permalink)
| | تُِِّْكَفْيَنْيَ عًٍ ـِِّيَوٍنْيَ | لاقلت انا احبك ومشتاق بالحيـل
تقول لي جعل العوض فالموبايـل
,,,,,,,,,,,,,,,
صح لســـــــــانك ياالغلا وصح الذوووق ..
ونتتظر جديدكـ .. ويعطيكـ ربي مليــــون عافيـهـ
تحيــاتي لك  | |
| | | |
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
العرض العادي
