السلام عليكم ورحمة الله وبركاته
اخواني واخواتي حبيت انقل اول طرح من طرحي واتمنى يعجبكم
كل مافاضت عيوني باشة الاضلاع غنا.. حصريا لـ شاعركم // خالد بن مدعث الدوسري...
-----------------------------------------------------------------------------------------------------
الشاعر خالد مدعث الدوسري ومن اعظم قصائد التوجد
ينثر الحزن مساحات شاسعه في أرواحنا
بالشعر الحقيقي الذي يستحق الاحتفاء والاحتفال
قصيدة خرجت عن المألوف بعذوبتها وقوتها وحزنها.........
كل مافاضت عيوني باشة الاضـلاع غنـا
الموارد فالضلوع وكـل ضلـعٍ فيـه ونـه
والتمني مايحقق هقـوة القلـب ان تمنـا
بس قلبي مايدانـي تبعـد الهقـوات منـه
واوجودي وجد من جلي عن ديـاره مجنـا
تو عمره عشر واربـع والليالـي ماتحنـه
ماوراه اللا عجوزه واخته وعـود مسنـا
بين فقر وبين دين وبين ضيم وبين منـه
ماذبحهم غير دمـع مـن الغبينـه مايكنـا
ويل من سود الليالـي بالمصايـب يبتلنـه
راح مثل الذيب وهبلته حياة الذيـب ضنـا
وامن والموت يومي بين مخلابـه وسنـه
راح ينقل دم قلبه وان ضـواه الليـل ونـا
الذيابـة مروحاتـه والسيـوف يـدورنـه
مايلوعه في حشاه الا لشاف البـرق سنـا
غاب عشر سنين مابه من يرد العلم عنـه
ان حداه الخوف منا هزته الاشـواق منـا
يوم طال الوقت عود للديـار اللـي ربنـه
لاذكـر دم القرايـب عانـق البيـدا وثنـا
وان تذكر ضحكة امه زاع قلبه مـن مغنـه
قـال مـادام المذلـة والبـلاوي يبتلـنـا
والله ان الموت فالاوطان بين الربع جنـة
يوم وقـف فالمنـازل مالقـا بيـت مبنـا
غير بيـت للهبايـب والـذواري يلعبنـه
راح يمه كنه اللي ضاربـه رمـح المطنـا
واعذابه مادرى ان سهوم بقعـا يحترنـه
يوم قرب سمع له صوت من العلـة يحنـا
وحصل امه عندها ضيف يقول الموت سنه
قال يمه قالت عيوني مـن الدمـع انعمنـا
قال ابوي وقالت طوال النصايب قد خذنـه
قال واختي قالت اقفى القوم باختك مع ضعنا
قال ربعي قالت سنيـن المجاعـه فرقنـه
قال جيتـك قالـت المـوت ماظـن يتونـا
واستلمهـا نـازع الارواح روحٍ مرجهنـه
ثم صاح من التفرق صيحة اللي فيـه جنـا
ودق صدره وانطوى من حر مابه طي شنه
كل هذا حال قلـبٍ مـن خلقـة الله معنـا
الهمـوم يوكلـنـه والـروابـع ياكلـنـه
ليه ادور للسبايب والسبايـب فينـا ومنـا
النفوس وماتسوي واليديـن وماحصدنـه
لاتوسدنا الخطايـا نلحـق الشرهـة زمنـا
ماجزانا الـلا عملنـا والحقايـق يثبتنـه
قلت اجرب ويش ورانـا بنتسـلا ونتهنـا
الليالي ماتخالف مـن طلـب شـي عطنـه
جاهل في الغيب واثر اللـي يسلينـا طعنـا
مادريـت الا بقلبـي والحنايـا يردعـنـه
قلت وين تروح خلك في ضلوعك مرجهنـا
قال مدري مير كن الحب تل العروق كنـه
قلت مخطي قال ليه اليـا ذكرنـاه اشتحنـا
وانتبهت وطاح فكري للطـواري واخلفنـه
رحت ابسأل بنت حواء ليت حنـا ماسألنـا
كان والله مستريح ومخلـفٍ قلبـي وظنـه
قلت هز العود صفق النود قال النـود حنـا
ماذكر بـه عـود الا والهبايـب يطرقنـه
قلت في دارك غريب وقال حول في وطنـا
لك محل في قصور لـه سيـوف يحتمنـه
قلت اهلنا قال والله مانعيـب سلـوم اهلنـا
العفيف من الهوى مابـه علـوم يحرمنـه
وابتدينا قصـة السبـع العجـاف ومللنـا
كل عام يمر يعطينـا مـن اللوعـات فنـه
وافترقنا مالقينـا مـن يـرد العلـم عنـا
غير حـب للهبايـب والـذواري يلاوحنه
واتمنــــى انهـــا تعجبــــكــــم
للشــــــــــــــاعـــر// خــالـــد بن مــــدعــــث الـــد وســـــــــري.............
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
اعظم ماقيل في التوجد وهي قصيده خيال وكأنها حقيقه اتمنى تعجبكم 
العرض العادي
