وحيد ولاعلى بالي .. سوى شارع جفاه النور !
----------------- وحيد وهاجس الحيره .. تغافلني وسكن أقصاي
على ذاك الجدار اللي .. مسامرني وانا مقهور
----------------- جلست وكانت العبره / تبي تغتالني .. لولاي !
يأست ومابقى غير القمر اكشف له المستور
----------------- يمر الوقت والساعه .. عقاربها مَلَتْ دنياي !!
عزاي انه مضى وقتي ادور للشعور اشعور
----------------- عزاي اني تعبت القى لصوتي يامجافي / ناي !
تعال وشوف هالعالم بدونك يالغضي مهجور
----------------- شوارعنا ،, جدار البيت ،, حديقه تفتقد للماي !
تعال وشوف هالضيقه لفتني لا احم دستور !!
----------------- يصير تشيل مصباحي !! والملم فـ.. الظلام اشيائي
حسافه تترك الاوجاع .. تغزي صاحبك بالدور
وجع بُعدك
وجع شُوقي
وجع دمر حصون إحشاي !!
وجع سيطر على كلي !!
وسوى عاصمه وقصور
وجع خلا احاسيسي تقول لسطوته : مولاي !!
وادورني والاقيني ( هواء محتاج عشر إصدور )
هواء محتاج له دنيا : سعيده
مو مثل دنياي !!
انا صورة كساها الياس .. غدى بروازها مكسور
من الايام !!
وجروحك !!
وقلبٍ داخلك نَساي !!
انا قلبٍ من الضيقه ، عجز لايشتعل ويثور !!
كساه الوقت هم وغم !!
ومات بضيقته جواي !!
انادي للامل لكن يرد الصوت لي مبتور !!
ارد اصرخ بعالي الصوت
وتبقى حسرتي ملجاي !!
وانا باقي على عهدي / اترجم وحدتي بـ.. سطور
وحيد ولاعلى بالي
سوى شارع .. ومل إخطاي !!!
بقلم الشآعر المبدع/.:
نآصر بن حسين (( الناآدم))
دمـــــتــــــم بصــــفــــاء قلـــــــوبكـــــم ورقـــــة مشاعـــــركـــم
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
العرض العادي
