مابعد هذا الغياب اللـي يســـاوي دهـر
الا اني اعلن من الدنيا ترانـــي انتهيـت
ومابعد هذا النحيب وطول ليـــل السهـر
من كثر ماتبكي اعيوني عليك انعميـت
ضحكي ندر واندمـــر حالي وميتـه قهـر
واللي خفى كان اعظم وانت به مادريت
وغيابك اللي مورينـي نجـــــوم الظهـر
انشهد اني من اسبابه ترانـــي انكويـت
وانت بـعمري مثل نعـــمة نـزول المطـر
علمتني كيف احبـــك ليـن فعـلا وفيـت
عزالله اني حزيـــن وكـل وقتـي كـدر
حتى الحكي مايبي يطلع لونـي بغيـت
قلبك وانا ادري بحبـي ياحبيبـي كفـر
والبيت اللـي بقلبـك ماكأني بنيــــــت
ودي اكفر عن خــطاياي رحـت اعتمـر
وبجوار مكه توســلتـه ربـي ودعيــــت
من مــغرب الشمس لين اذن صلاة الفجر
الين غــرقـت احرامـي كثـر مابكيــــت
لأن شـــوفـــك مثـل صايـم وتـوه فطــر
ضامي لشوفك وماظنك مثلي انته ضميت
يا(حبيبي)ياضلــي اللي مثل ظل الشجـر
انشهد اني مثل غصــن عليـك انحنيـــت
يا(حبيبي) يافزعة المبلي بوقت الضجـر
من بعد ربـــي انا لـك ياحياتـي لجيـــت
يا(حبيبي) وش ينفع الغرقان وسط البحر
وانتي لي القشه اللي من عليها نجيـت
يا(حبيبي) ولا يوووووووه ضاق الصدر
لو قلت احبك فـلا والله كنـي حكيـــت
يامدرسة عــمر عمري ياسنيـن الفخـــر
ياتاج راسي ودربي اللي عليه اهتديـت
صحيح انه قسى بالحكـم فينـي القـدر
وهالحين لابد تعرف وش أنا عليه نويت
ياليت لي صبر أيووووب وتوكل عمـر
ماكان في عالم مجنون ضعت وغديـت
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
العرض العادي
