[السلام عليكم ورحمة الله وبركاته
يا يمه منتهي جيتك وطالب منك الغفران
أقبل قاعة أقدامك واغسلها بدمعاتي
يا يمه كل ما فيني يناديلك أنا ندمان
طلبتك قولي سامحتك وردي لوجهي بسماتي
أنا ادري قلبك الطيب كسرته بصدمة النكران
غلطت وغلطتي هذي تعيّر كل غلطاتي
تشوفي الشيب يا يمه ترى ماجا وأنا فرحان
وربي إلي رفع ذاتك ونزل للردى ذاتي
فقدت الراحة من بعدك فقدت الطيبة والتحنان
بدونك راحتي غاية بيدينك هذي راحاتي
أنا بعدك ولا حاجة أنا بعدك ترى عميان
أشوف ولا أشوف اللي يوريني مسراتي
أنا وسيد الشقى والهم من بعدك غدينا أخوان
يجيب هموم ها لعالم ويرميها بمتاهاتي
صدقتي يوم قلتي لي تدين اليوم بس تندان
رميتك في بداياتي ورموني في نهاياتي
أنا من شالك بإيده ورماك بأسفل البركان
نخيتيني وطلبتيني ولا حصلتي نخواتي
مثل ماهنتي بعيوني عليهم قلبي يمه هان
رموني وبعتهم فزعه وأنا الدمعات فزعاتي
يا يمه لا تضنيني أنا من فعلهم زعلان
سواة فيك سويته وسووا فيني سواتي
يا يمه يا لله ضميني ودفيني بهالأحضان
أنا أدري فيك مشتاقة وهمك بس ملاقاتي
يا يمه حيييييييييييل ضميني أبي أرتاح أنا تعبان
تعبت أهرب من ذنوبي أبيك آخر مسافاتي
أبسمع منك أي كلمة لصوتك مسمعي ولهان
أبسمع يمه صوتك أبذكر فيها نشواتي
أشوفك ساكتة يمه غفيتي ولا أنا غلطان ؟؟
غفيتي يا بعد عمري تعبتي من مواساتي ؟؟
يا يمه طالبك قومي إذا لي بعيونك شان
أشوف الموت بعيونك عساها تخيب هقواتي
تعالوا يا بشر شوفوا أنا محتار أنا تلفان
أنا أمي مدري وش فيها أنا مدري أنا أحاتي
شنو ؟؟؟أمي أنا ماتت؟؟؟ لا لا تراك غلطان
أنا أمي ما تخليني على حزني ووناتي
أنا أمي قلبها طيب ولا يمكن تبكي إنسان
أنا أمي ما تبكيني ولا تتمنى آهاتي
يا يمه صح مامتي ؟؟وصح الموت تو ماحان ؟؟
إذا متي أنا بعدك أبقضي وين ساعاتي
يا يمه قومي يا يمه وقولي الموت لا ماكان
أنا جيتك وأنا ناوي ابدي فيك جناتي
تركتيني ومتى وليييه؟؟تركتيني وأنا غرقان
ولا مسموح يا وليدي ولا تلعنك لعناتي
أنا الجاني وأنا المجني وأنا المخطي وأنا الندمان
وأنا بيدي رميتك إيه وبعثرته ملفاتي
وجيتك من ألهنا مفلس وقلبي من الضنا خسران
تركتيني على ناري اعدد فيك زلاتي
ولاني مرضياً ربي ولاني تابع الشيطان
أنا بعدك مابين نهاياتي وبداياتي
يا يمه منتهي جيتك وطالب منك الغفران
وشفت الناس تلعني وتحذرني من الآتي
منقوووول
مع خالص حبي
صمـ الورود ـت
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
قصيده عن الأم جداً رائعة** 
العرض العادي
