السلام عليكم ورحمة الله وبركاته
للامانه الموضوع منقووول
شكلها حلوه الطبخه بس لحين ماجربتها
اهي تتكون من 3 طبقات
الطبقة الاولى عبارة عن بسكوت ماري (المطاحن) اكبر واحد تشيلون منه خمس حبات + قالب زبدة محطوط بجو الغرفة
الطبقة الثانية : 2 علبة رووب + مقدار 8 (فناجين قهوة) حليب بودرة + مقدار 4 (فناجين قهوة) سكر ناعم
يعني يكون مكيالكم اهو فنجان القهوة
الطبقة الثالثة: 3 ارباع قلاص ماي حار +علبة كريم كاراميل (البودرة فقط بدون الكراميل السائل) + ملعقة صغيرة قهوة نسكافيه + ملعقة صغيرة كاكاو بودرة
الطريقة ...
تطحنون البسكوت عدل مدل لما يصير مفتفت صغار صغار بعدين تخلطونه مع الزبدة تفركوونه معاها زين مازين وعقب ترصونة في صينية الكيك المتحركة
بعدين تخفقون مقادير الطبقة الثانية عدل وتصبونه فوق البسكووت وتدخلونه الفرن ثلث ساعة وتحطونه بالنص على حرارة 175
عقب تطلعونه من الفرن وتدخلونه الثلاجة لما يبرد
على ما يبرد .. تسوون الطبقة الثالثة .. تحطون المقادير على النار وتخلونها لما تغلي عقب تصبونها فوق الطبقة السابقة وتدخلونه الثلاجة مرة ثانية لما تجمد الطبقة الاخيرة
وللتزيين ترشوون فوقه شوية جوز هند محموس
وبالعافية
تحياتي
t3b qlpe
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
.؟.كيكة الرووب.؟. 
العرض العادي
