جيتكم فزّاع من شيـخ القبيلـه=فتّ تيما من ورا خطّ الشمالـي
كل ما شبّيت لالظلمـا فتيلـه=تجتمع عندي خفافيـش الليالـي
الوحوش تمدّ من ( بيضا نثيلـه )=والسباع تلدّ من روس الجبالـي
باالسبايا شفت لي عذرا جميلـه=يبتدي فيها القمر قبـل الهلالـي
كيف تدعي خالقك في كل ليله=وانت ما بايعت من ضمن الموالي
لو لهم ياحمود من دونه وسيلـه=مالقيت أرقابهم في كـل جالـي
نعتزي ياحمود من دون الفشيلـه=وكل مسلم هو عمامي مع خوالي
طشّها ياحمود يلعـن سلسفيلـه=ايبه والغيب مالك بـه مجالـي
المنايا تـدرك الشجعـان غيلـه=ماتشوف فعولها يا ابن الحلالـي
لعن أبو دنياك كان أنّـه بخيلـه=ما تبلّ الحلـق باالمـيّ الزلالـي
لعن أبو دنياك كان أنّـه عميلـه=ملّكت شيطانها ( حكم أنتقالي )
لعن أبو دنياك كان أنّـه ذليلـه=ماعطت طلاّبهـا غيـر الهبالـي
الحظيظ اللي يشيل اليوم شيلـه=عرف السكّه ويمشيهـا عدالـي
الحظيظ اللي يخلّد عقب جيلـه=كل مايذكر على روس المعالـي
الحظيظ اللي عسـف لله خيلـه=ماله بدنيـاه حاجـه للريالـي
يامروّي ينقط الما مـن شليلـه=كيف تارد وأنت ما عندك حبالي
وشّعوني ياهلـي راس الطويلـه=وأتركوني أغسل ذنوبـي لحالـي
ياالغريب اللي نوى يصبح دليلـه=وابتدى يجاوب قبل يسمع سؤالي
ياالمسافر يوم يمضي فـي سبيلـه=يمسح الدمعه على رجّال غالـي
حمّلوكم همّ ( أصحاب الفضيله )=وطلبوكم دمّ ( أصحاب المعالي)
الحياة اليوم لو هـي مستحيلـه=كيف أسلّم روسكم وأنتم عيالي!
لو محوني محي من كل الفصيلـه=بايعه لك بيـع ياعـزّ الجلالـي
ما يعرف أبياتـي الاّ الحنشليلـه=والقنوص اللي تنصّب كل عالـي
جيتكم غادي عن شيوخ القبيلـه=فتّ تيما من ورا خطّ الشمالـي
كل ما شبّيت لالظلمـا فتيلـه=تجتمع عندي خفافيـش الليالـي