أفضل المعاهد بكندا { فزعتكم ][

RMADY · منذ /07-03-2009, 18:57

مدخل ~

يا لمسات ماباقي من الاربع شهور الا سبـوع
حانت مواعيد التحالف والتكاتـف والضفـر
معنا من الخميس والجمعه ليا يـوم الربـوع
الي بعده بيوم واحـد يـا هزيمـه يانصـر

^^
بينفرش لو درو عنه عيال الحميدي

سلام عليكم شبابا وصبايا

أسعد الله صباحـــكم / مسائـــكم يا أحلى أعضاء منتدى <== لازم يمهد

الموضوع جداً خطير , والموت قرب ولا يدرى وش تالي المصير

السالفة طال عمركم أني بأسافر في هالصيفية لكندا علشان أزيد اللغة شوي , وبعد تغيرة جو شوي :/

طبعاً أخترت مدينة تورنتو وتقولون ليه ؟! ورى ما رحت فانكوفر بقولكم أن فانكوفر حلوة وجو خيال وطبيعة مجنونة ووجه حسن :/ <= بينجلد
بس المشكلة أني كلمت واحد هناك الحين وقال لي السعوديين هناك زي الرز والشباب استهبال تقول بالتحلية ! يعني لغة يخلف الله
والنقطة الثانية :أن ما فيها ترفيه مثل تورنتو يعني أنت محصور بنطاق بسيط بينما تورنتو حولك مدن ثانية وأمور ترفيهية واجد !

المشكلة والطامة الكبرى أن كل شيء بيصير ولا بقى على الرحلة إلا 10 أيام تقريباً وأنا ما أخترت المعهد ولا حددت السكن فيالت اللي عندهـ خلفية عن أفضل معهد في تورنتو مو أفضل المعاهد يعني حدد ~ مع التنبه لأمرين :

1- المعهد ما يصير فيه سعوديين ولا عرب حتى أو على الأقل عدد بسيط .!
2- طريقته تركز على تفعيل المحادثة مو الكتابة والقراءة لأني بهاذي توب , يعني أبغى معهد خارج عن النطاق التقليدي ~

والقضية الثانية : السكن مع عائلة ما أدري كيف التنسيق معهم ؟! هل فيه مواقع متخصصة !؟

كوشة ورد لكل من تفاعل معي

مخرج }
اليا تكاتفنا يضيق الكون ونضيـم الجمـوع
وليا تخالفنا بـلا سبـه يجيـب الله مطـر

* لا أحد يقول وراك جاي مطفي النور وحاط الموضوع هنا لأني مأخذ الآذن من سعادة اللواء آحتضار

أحـتِضـآرٍ ~! · منذ /07-03-2009, 19:37

-

اقتباس


	* لا أحد يقول وراك جاي مطفي النور وحاط الموضوع هنا لأني مأخذ الآذن من سعادة اللواء آحتضار

لآ لآ تخآف محد قآيلك شئ , توسطت لك

,

رمـآدي .. /

والله مآ عندي خلفية عن الموضوع ,

بس دورٍت , و سمعت أن تورنتو حلوٍهـ و أختيآرك موفق ,

و اذا حبيت اكتساب لغة تساعدك في المحادثات وماشابه (informal) فانصحك بالابتعاد عن المعاهد التابعة للجامعات لانها تركز على اللغة من نواحي اكاديمية يعني كتابة وقراءة وتقديم بس محادثة صفر ... ,

فيه معهد أسمه .. Mckinsey international college

يقولون زيـن ومآ فيه سعوديـن وآجد .,

و في معهد ilac في تورنتو لكن يقولون انه تجاري

ILAC: English School in Toronto and Vancouver Canada, Internships in Canada, ESL in Canada

وفي معهد Kaplan Aspect

و معروف أنه له معاهد كثيره فيه في بريطانيا في لندن و بورسموث

وهذا موقع المعهد وفيه الاسعار على حسب الاسابيع اللي تختارهـا

http://www.kaplanaspect.com/coursefinder/booknow.aspx

هذآ اللي عندي , وأن شـآء الله أكون سآعدتك ..

يآ حليك أثرك مآ خليت موقع مآ كتبت فيـه

و بالتوفيق أن شـآء الله ~

-

RMADY · منذ /07-03-2009, 20:56

أحـتِضـآرٍ ~!

ما أدري وش أقول لك يالغلا ~ الصراحة كفيتي, ووفيتي, وزدتي على اللي عليكي :/

أتعب وأنا أتشكركـ الصراحه أخجلتيني بطيب تعاملك .!

اقتباس

المشاركة الأصلية كتبت بواسطة أحـتِضـآرٍ ~!

-
يآ حليك أثرك مآ خليت موقع مآ كتبت فيـه

آثاريتس كافشتني

بس ع فوكرة ما نزلت الا في هالمنتدى لبى قلوب أهله وحق الجامعة بحكم أنهم صقيقيني

وردة علها توفي بشيء من حقكيـ

**angel smile** · منذ /07-06-2009, 20:01

السلآم عليكم
اخوي فيه عضو هنا اسمه حبيبي معي
وهو طالب سعودي في كندا (اوتاوا )صارله سنه ونص
ممكن انه يساعدك ويعطيك خلفيه
لو حاب راح اعطيه خبر؟

RMADY · منذ /07-07-2009, 05:43

اقتباس

المشاركة الأصلية كتبت بواسطة angel smile


	السلآم عليكم اخوي فيه عضو هنا اسمه حبيبي معي وهو طالب سعودي في كندا (اوتاوا )صارله سنه ونص ممكن انه يساعدك ويعطيك خلفيه لو حاب راح اعطيه خبر؟

angel smile

أكون متشكر لو تقولين له

لأني ما أقدر أراسله تعرفين لسى ما وصلت الحد اللي يمكني أني أستعمل البرايفت

وربي محتار ~

أدوات الموضوع	إبحث في الموضوع
مشاهدة صفحة طباعة الموضوع أرسل هذا الموضوع إلى صديق	إبحث في الموضوع: البحث المتقدم
انواع عرض الموضوع
العرض العادي الانتقال إلى العرض المتطور الانتقال إلى العرض الشجري