غاب أبوه اللي يضمه ... وماباقي له غير أمه
أمه الأم الرحوم وكل طيب تحتويه ..
كلها عطف وأمومه ... شالت الوقت بهمومه
ودها تسعد ولدها بأي شئ وتحتويه..
أمنت له كل شئ وحبه ابها نبض حي ..
ولو طلبها ما طلبها ساع يطلب تشتريه..
كافحت في هالحياة .. سوت اله المعجزات
وان تأخر ما تنام الليل كله تحتريه
تبكي والدمع يغشاها .. وتمسحه لامن جاها ..
ماتبيه يشوف دمعة حزن ألمها يكتسيه ..

ومن بعد ماشب عوده وأستوى وكبرت عضوده
وصار متزوج بـ عذراء .. لا معـــاها تصيـــر إيــه
نسته أم وفت له .. يوم الأجواء ما صفت له
لا وقالت له أنا أبغى بيت أمك ماتجيه
كيف أصير ببيتي حره ..
وأنا أشوف الأم ضره ..
وخططت له ودبرت له وسوى كل اللي تبيه ..
ولأن شخصيته ضعيفه ..
وأمه أشبه بالكفيفة..
ما توانا لو دقايق يطرد أم ترتجيه ..

وقام وسوى له جريمة .. وشالها شيلة غريمة
وعقب وصلها الرعاية صوتت له يا ولدي هييييييه
ياولدي وين أنت رايح .. قالته والدمع سـايح
والتفت فيها ورد .. رد متنكر سفيه
قال أنا رجال تاجر .. منشغل بين المتاجر
وإن بغيتيني بحاجة هذا رقمي واطلبه

ولجل ماتجرح شعوره .. طاعته بأمره وشوره
وابتعد عنها وقفى وكل ما سوت نسيه
وهمل أمه ياحسافه .. وصد وأعلن انحرافه
وصار مايسأل عليها ولا تلاقوا بالوجيه

ولا هي يوم إسألوها بالرعايه وانشدوها
قالت بنبره جزينه أولدي والله يهديه
عنده أشغال كثيره .. وكم محل هو يديره
وعاذرته بما فعل بي دام ماأمره في يديه

ومن ولعها في ضناها .. كل هم إكتساها
وأصبحت في وضع مؤسف وضع ما تحسد عليه
وضعٍ كل ٍ به تأثر .. عاشت به أسبوع وأكثر
لين روح الطهر فاااااضت من جسد طاهر نزيه

حلمها اللي في ولدها .. لا كبر يكبر سعدها
مات لحظة كفنوها ولا بقى ياكود ليه
ليه هملها وجفاها ؟؟
ليه ما قدّر وفاها ؟؟
ليه يقتل حلمها اللي من زمان تعيش فيه ؟؟
ليه وكم من ليه مرت في خيالي واستقرت
شرقت بي وغربت بي وصرت في حيره وتيه ..
والله يا عالم مصيبه واقعه فعلا غريبه
منها تبكي كل عين وينجرح قلبٍ نبيه

ولكن الكلمه الأخيره .. رددوها بكل ديره
وقولوا ..( من يبغى رضا الله يطلب رضا والديه)