السلام عليكم
هذا بيت شعر بـ أسم تجي يارب
أعجبني وحبيت أحطه بالمنتـدى
ماأكثر كلام
هذا الشعر
على الموعد بـ(لهفه) جيت لا مانع ولا تأخير
لفيت من العصر هايم مع إن الموعد المغرب
وجتني بس مدري ليه شعرت الجيه هذي غير
وهي تقرب من عيوني شعرت إن الممات أقرب
وقلت الله يهونها عسى في جيتك لي خير
أنا من شفتك أقبلتي وأنا خايف ومستغرب
على كثر الحكي مدري كأنه خانها التعبير
وقالت لي جمل وأشياء لا تكتب ولا تعرب
هدت فجأه تطالعني وأنا في حاجة التسفير
لجل نحكي بـ هدوء أكثر سألت : الحلوه وش تشرب ؟
فـ صاحت بي أنا أحبك ولك في هـ الحشا تقدير
وتدري إن المثل فينا وفي إحساسنا يضرب
وكنت أنت الوفي وأنت البري من تهمة التقصير
ولكن ذي عوايدهم من أيام وزمن يثرب
تكون البنت لـ أبن العم ورغبات الكبار تصير
وتدري الأقربون أولى .. مع أنك للخفوق أقرب
وتدري لـ القدر كلمه .. لـ عادات الأهل تأثير
لذا أرجوك تتركني وأنا من واقعك بـ أهرب
شعرت بـ حكيها كنه قصاص وأمر بـ التعزير
شعرت الدنيا ضاقت بي من المشرق إلى المغرب
مشت خلت وراها طفل مايدرك وش التدبير
يحسب إن الغرام أبيات شاعر وأغنية مطرب
ضحكت وماقدرت إني ألاقي لـ ضحكتي تبرير
من اللي بـ وقتنا مره ضحك من لدغة العقرب
رفضت أستوعب اللي صار ولا أستسلمت لـ التغيير
ثمان سنين أجي نفس المكان بـ ساعة المغرب
بـ رغم إن الثمان سنين جرح وكلفتني كثير
أنا لـ اليوم أجي وأدعي .. تجي يارب .. تجي يارب
تحياتي
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
العرض العادي
