مساء الحال كيف الخير ؟
عندما تزق ...
عندما تزق ...
عندما تزق
عندما تزقزق العصافير بصوتها الرنان في وهج الحياه ورونق السماء ينبثق لنا نور كوكب اخر فتتراحل الافكار في كرشة سوسو فتتطاير تضاريس العذوووبة مع الصوت الخلااااب في دائرة الزمن
الزبده :-
هذه قصه حصلتلي والى الان اثارها في معدتي والاثنا عشر بصراحه كنت كاتمها في رئيتي وماعلمت عنها احد الا اهلي واصدقاي ونص اعضاء المنتدى و12 واحد ما اعرفهم وجيراننا
بالعربي حبيت تكون السالفه خاصه مهما كان الرجل العاقل البالغ المقيم الذكر لازم تكون له اسراره الخاصه فيه
مرتن من المراريت كنت جالس على جبهة اختي الحوطيه اتابع التلفزيون اللي حاطينه فوق خشمها مع الرسيفر وطبعاً الدعوه حجز على الجبهه (( على البست مدلدل رجولك على العيون التذكرة بخمس طعش الى ماتوصل التذكرة ورى ورى ورى بنص ريال وطبعاً الفرق بين المقعد واللي وراه ربع ريال )) >>وعليكم حساب طول جبهتها
نرجع لمحور حديثنا<<<وانت طلعت منه ؟يا شين اللي يتابع قناة الجزيره ويتمنى يصير مثقف مثلهم
طبعاً الله رزقني بأخت ((الحوطيه))عليها خشم تشوفه من بعيد تظنه نفق رايح جاي ... وما اخفيكم ان فلم طرزان ممثلينه فيه بحكم ان كل المؤهلات موجوده فيه (( مستنقعات , حشرات , حيوانات مفترسه , هضبات )) , مره من المريرات كان مسجدنا فيه صيانه تتوقعون وش سوينا يوم الجمعه , جلسنا على جبهتها ورقى الخطيب فوق خشمها وخطب فينا خخخخخ
من النوع اللي اذا جاها زكام تتوقعون انها تستخدم منديل ؟ لاااااااااااااا زولية ويالله ماغير تنثر خشمها فيها
هههههههههههههههههههه
دخل ابي ونحن نتسامر انا وامي فوق جبة اختي وقال لنا:-هلموا الي هيا هيا <<< درس مطالعه ؟
قلتله :- شتبي دحيييم ياخوك اصبر دقيقه جالس العب مع امي تنس على جبهة اختي وربي حماااس ,, تعال تابع ترى فيه كراسي للجمهورههههههههههه
عطاني طراق خلا راسي يدور وجسمي ثابت وقالي ((مره خامسه اذا جيت تناديني قلي عبد الرحمن مو دحيم انت وخشم اختك تقول علامة قناة النيل التعليميه))
دحدرنا له وقلت له امر مع شنبك تقول برنغلز؟قال نانسي الزغبي ذيك اللي تغني الواوا دعتني لبيتهم وارسلتلي 3 تذاكر اجيب فيها عايلتلي معي >>>> لاتلومنها اعجبت في ابوي كونه طالع علي ماطلع على اختي<<<ليكون انت واختك جايبين ابوك ؟
قامت الحوطيه بكشتها وقميصها البني كنها قنفذ معوق
وقالت ابووووووي تكفى تكفى اووول مانوووصل نروووح ملاهي الحكير حقتهم يقولون رووووووووعه فيه لبة البطه تنقلب ,,
فزيت انا بهيبتي وعظمتي تقول صدام وخزيتها ذيك الخزه بعيوني الكحليه وعيني فيها لمعه مثل افلام الكرتون اذا خز بسام الكابتن ماجد وقلت لها (( لعمري ان نذهب اولاً الى المخازن الكبرى ولا توطوط ارجلنا شي قبله ومن ثم انقلعوا حيثما شئتم )) <<< لاتلوموني كنت توني مذاكر ادب
ما اخفيكم اني كنت دافور
من النوع اللي اجلس على قصيدة المتنبي 6 ساعات لدرجه ان المتنبي يطلع من الصفحه ويقول حفظنا وجهك نبو امها قصيده ماحفظتها
<<<عياااار ولا يدل الكتب
قامت امي وقالت هيه هيه انت وياه بلا مخازن بلا الحكير صحيح انكم عيال فقر
احنا اول شي خلونا نروح الفيصليه حقتهم نتسوق بعدين يصير خير<<ليت من جاب بنزين وشبكم كلكم
الموووميهم
قالي ابوووي ياولدي اذا تبي تجي الحقنا بالكابريس 84 ماعندي تذكرة له واقترحت عليه اقتراح بحكم عقلي الكوناني وقلتله:-شرايك نبيع التذاكر وازيد عليها فلوس الحصاله ونروح النعيريه؟
قالي اخاف ماتكفي ؟ قلتله من جد...وسمت في ابوي العبره وقالي امووت واعرف انت طالع على مين ؟ لا بعد طموحك تصير دكتوور حدك معلم شاورما ويخب
راحوا اهلي بالطياره... وجهزت شنطنتي الي فيها ثوبي وشماغي وثوب بيت وزبيريه احتايط وبدلة الهلال<<رايح عرعر مو لبنان
وشغلت الكابريس ومسكت خط لبنان وانا اتنكس على ام كلثوم ((هل رأى الحب سكااارى تررت سكاارى تررت سكااارى مثلنا تررم))هالكلام العشا
جا الظهر طبعاً الاغنيه راح نصها واغتلقت منها واشتقت لصوت عيسى الاحسائي ومن دفاشتي ابي اطلع الشريط واخترب المسجل انقهرت وصقعت يدي على المكيف واخترب اشوف البنزين بيخلص والمسجل جالس يشووش ومزعج وانقلب الجووو حااار وفاتح النوافذ
وسط كل هالقراده هجني بطني وماعندي ماي ولا فيه محطات
ويوم وصلت لهاللوحه
شفت رونق ابريق وقلت في خاطري زييين لقيت ماي واقدر اقضي حاجتي
توني ماسك الابريق الا طلعلي الماارد الجني حق علاء الدين اللي في فلم كرتون سالي اللي يجي على قناة العربيه
وقالي شبيك لبيك الجني بين يديك اطلب قلتله ابيك سالم قالي اطلب؟قلتله يعني بتسويه قال اكييد؟
قلتله ابي افتح واغمض والاقي نفسي في لبنان؟قالي عسى ماشر وش شايفني صارووخ اطلب زي الناس هالشيء مستحيل
طرت على بالي اختي الحوطيه وكسرت خاطري بحكم البقدونس والتونه اللي بيني وبينها وعشرة القرووون اللي قضيناها مع بعض ,,قلت للجني ابي تشوف حل لخشم اختي الحوطيه من هب ودب حفل فيها
فكر الجني اشوي وقالي:-الحين انت تبي تغمض وتفتح وتلاقي نفسك في بيروت والا وين بالضبط<<ما الومه الطلب الثاني صعب ومستحيل العرب مجتمعين في الرياض هالايام علشانه مطيحه وجه بومتعب بخشمها
اوه صح نسيت اقولكم ترى المؤتمر العربي اللي تشوفونه في قناة العربيه مو في قاعه لا لا وكلا بل هو على جبهت الحوطيه اختي
قالي الجني غمض وفتح,غمضت وفتحت وفعلاً لقيت نفسي في لبنان
والي اثبتلي اكثر اني في لبنان السلام الوطني حقهم كنت اسمعهم يرددونه
((فوء هام السحب وان كنتي ترى اي لكاااااااااااان مجدك لهونيك..ألخ))
شفت خلوووي ((هالكلام يوم انه كان لبنان))
وقلتله يالحبييييييب قالي شو يازلمه؟((راح تفكيري لبعيد))قلتله امسك لساااانك لأمردقك انت خشتك تقول علامة نادك
قالي شو بييك زلمة عنا يعني رجااااااال قلتله من جدك؟لاتلومني ما اعرف الا عربي ماعندي لغه لبنانيه
قلتله ودني لأهلي((وعطيته قطعة من كرتون منديل فيها العنوان وبرشومة فيزياء وبقعة اندومي))
قال اي بدي اركب معك من شان اوصلك وحنا ماشين الا مرينا على 3 بنات يتشمون مع اخوهم انا احولت عيووني قلتله شف الزيييين شف العذااب يالبااا اللي تسذا فديييتك
قالي انو وحده فيهووون؟قلتله اخووووهم
اشهد اني بخاويه((طالعني بنص عين احسه يقول يلعن ابووو الدشره والمحمره))
قلت خلودي:-يلعن ابو الزين اللي فيه لابس شوورت وحذيان<<<متعود يطلع للشارع بسروال وفانيله وحافي
وكتبت فيه شعر:-مريت انا مسير,,على ورع صغير,,وقفت متحير,,يوم شفت سيقانه,,قال وش تبي قلي,,قلت اخاف مايحصل لي,,قال عالنبي صلي,,وخل كل في شانه
حطيت في راسي اني ادل بيتهم علشان ادور عليه وتميت الحقه واطرده فجاءه جات سياره وصدمته وطاح مغمي عليه((قلت هذي فرصة التشبيكه ))ورحتله وانا اركض وضميته جا راعي السياره وقال سوووري قلتله خلاص رح رح انقلع يالزلابه هذا اخووي
استغرب خلودي وغمزتله وقلتله الطمها ماعليك هالحركات بدري عليكم يا بولبووون تسوونها اتركوا الجرياات على الشعب السعودي
سدحته على كتفي اليمين وعلى كتفي اليسار شماغي طبعاً((من النوع اللي احطه على كتفي طول اليوم واذا صار موقف رسمي البسه واذا جا وقت النوم اتطلم به وانام واذا صحيت اروح به الدوام))
قلت له وين بيتكم؟قالي هونييك قلتله ما ادل عندكم ما اعرف حي بهالاسم قالي خلوودي هونيك عنا يعني هناك عنكم قلتله اهاا
وصلنا بيتهم وطقيت الجرس ماردوا بعدها رنيت الباب وجات وحده عليها صووت ولا عزازي ياشيخ
وقالت مين عالباب..؟ وقلت انا جايب اخوك صاير له حادث قالت شووو يئبر البي شو صارلووه فتحت الباب وشفت القمر ((رمرم))
وش ذا الزين ووش ذا الظلم اللي كنت فيه طول عمري مقابل الحوطيه كنها فقمة متحنيه
دخلته البيت وقام الولد وقال مابني شيي
جاتني رمرومه وقالتي ((ميرسي كتيرررر خيوووو عزبناك معنا)) قلت في خاطري صدق اللي قال :-
ناديت والليل جاوبني وبكاني...يا انشغالي بكل كلمه التهالي<<<كبير يا رابح الماجد
وانا طالع مسكتني على جنب واهدتني ورده
وقالتلي عن جد ما بعرف كيف برد الك جميلك
حبيتها
ودخلت قلبي
ونقش في ركبتي اليمنى G+R = الحب عذاب قلب وسهم وبحيرة دم<<<مب ركبه والله لونها جدار مدرسه
رحت وركبت الكابريس ونويت اقول لأهلي يخطبونها لي وطول الطريق جالس اسمع..ليك الواوا اح بوس الواوا اح وافكر فيها
تصدقون اول مره افكر والا العاده لانويت افكر ينكتب على جبهتي((عقلك تحت الصيانه حاول فيما بعد))
رحت للبيت وانا اركض من الفرحه خطرت من السور ورحت لأبووووي نزل راسه واثق اني بحبه؟تركته ورقيت فوق خشم الحوطيه وقلت يا اهل البيت تعالوا فيه شي ضروري
اجتمعوا وهم مستغربين وعلى وجهم علامة فاصله من الحيره وقالت امي:- اكير ياوليدي؟قلت لهم بنظرة يسمعها كل فم عاشق ((حبيت اخطبولي ماعندي الا 3 خيارات يا اني اخطبها او انتحر))
قالي ابوي من حبيت قلتله رمرم قالي مين رمرم قلتله بنت جورج القرداحي .
تكفى يا ابوووووي لي اسبوع كااااامل ما افكر الا فيها<<<حشاا توك واصل لبنان اليوووم ماتعرف تنصب؟
قالي بس هذي مو من ثوبنا وعاداتهم غير عاداتنا؟ قلتله لاتحدني اتهور واروح اتسلق خشم الحوطيه اختي وارمي نفسي منه وربي بتخسروني
قالي ابشر ياوليدي رخيص والطلب غالي اليوم الظهر اصلي العشا نفطر ونروووح لهم تدل بيتهم
قلتله لا بس لو ارقى فوق خشم اختي الحوطيه واشوفه اعرفه
دارت الأيام والشهور بل السنين والعصور اللين جا المغرب<<<لاتلومونه ثانيه العاشق عن سنه
تروشت وبالشامبوو تخيلوا معي وبالشامبووو مستحيل؟تروشت بالشامبوو<< قبل لايتروش قرا طريقة الاستخدام على علبته .
ولبست الثوب والشماغ والبشت والكرفته<<يقاله بيشكخ عند اللبنانيين
وساعتي الزرقاء وجزمتي البرتقاليه والكرفته طبعاً خضرا مخططه بوردي يعني لو تشوفوني ولا راغب كفووووري في فيديو كليب تحملتك بما فيه الكفايه
رحنا لبيتهم رنينا الباب وماردوا كالعاده وطقينا الجرس وجات وفتحت الباب جا ابوي من الدفاشه وكتب الرقم على نعلته وسطرها به علشان يطبع الرقم,خزيت ابوي وقلتله هيه هيه دحيييم اترك محارمنا
دخلنا واستقبلنا ابووهم وقال:-تعووا عالصالون ,قلناله لا لا تسلم وربي تونا حالقين..! دخلنا وقدم لنا خمر قلتله ابد والله مانشرب قهوتك الا اذا وافقتوا على طلبنا
وقال شو فيه؟قال ابوي حنا..الا نقزت انا بوجه ابوها وقلتله بالعربي جايين نخطب بنيتكم لي المهر الفين,وشهر العسل في مكه والطايف ولاتقولون لنا نبي شقه لها تراها بتسكن عند بيت اهلي <<<اصبر اصبر شف كانهم موافقين والا لا اصبررر
استغرب جورج قرداحي وقال بس البنت مخطوووبه لولد عمها رامي..؟
ططن طن طرااااااااخ<<مثل السينما يقاله داخل جووو وجا وقت الاثاره
نزلت دمعتي وطالعتهم بصوت استغراب وشجن <<<< وشو الشجن؟
ورحت اركض للشارع وطول الطريق وانا ابكي وابكي وابكي
((حتى اذكر ان البلديه عطوني وسام النظافه غسلت شوارعهم))
ورحت لبابي وقفلت على نفسي الغرفه وصرت اسمع اغنيه يادار لاهنتي ولا هان راعيك وابكي ,طحت في الزقاير وانعفست حياتي 
يتبع ..... 
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
سالفتي مع رمرم في لبنان بطولة (( خلوودي , الحوطيه )) تحشيش* تحشيش 
<< مسوي فيها يهدد مع راسه تقول استمارة سفينه
![الصورة الرمزية [[شعاع الشمس]]](http://www.lmssat.com/vb/avatars/member2551.gif?dateline=1199564515)
العرض العادي
