آسف انا في جيتي لك تسرعت ..
ظنيت الاقي فيك شيٍ فقدته ..
كنت احسبك مجروح مثلي تولعت ..
جربت فرقى شخص قلبك وهبته ..
كنت احسبك من مر جرحك تجرعت ..
حبيت فيك احساس طفلٍ لمحته ..
لوقلت آآآه بوسط روحي توجعت ..
ولو شفت دمعاتك شعوري سكبته ..
ولو تطلب عيوني ابد ما تمنعت
واعطيك قلبي لو بعد ما طلبته ..
وصلت بك... اعلى مكان وتربعت ..
وفي قلب غيري ياالغضي ماوصلته ..
واصبر على صدك واشوفك تدلعت ..
واعطيك ود وما اظنك حسبته ..
اذهلتني بطباعك اللي ...تطبعت ..
حتى قصيدي فيك ابد ما فهمته ..
لو كان غاياتك حروفي فانا بعت
وافرح بجرح الشاعر اللي جرحته ..
أرجوك من صدك تراني تشبعت ..
خلك مع اللي عاجبك او عجبته ..
يكفي قهر في جيتي لك تواضعت ..
تركت غيرك لجل عينك وبعته ..
ياليتني عن حب مثلك..ترفعت ..
ياليت قلبي قبل اعرفك دفنته ..
لكن ابي ابعد دامني بك توهقت ..
الله يرحم حبنا اللي ذبحته ..
انا شريت الود والحين انا بعت ..
وانا عطيتك قلبي اللي قهرته ..
كمل حياتك مثل ما انا توقعت ..
تبقى اسير الماضي اللي فرضته ..
ولا يحزنك اني جبان وتراجعت ..
حولك بدالي ألف شخصٍ عجبته ..
اما انا لا يمكن اخضع ولا طعت ..
يحرم علي اعطيك قلبٍ خذلته ..
باريّحك من شوفتي يوم قاطعت ..
اسلوبك اللي به تجاملني كرهته ..
غلطان يا المقفي انا ما تتبعت ..
غيري يتبع خطوتي ما تبعته ..
اللي ملا قلبك علي وله تسمعت ..
خله يعوض شخص مثلي خسرته ..
انا بما فية الكفاية تلوعت ..
واللي بقى من قلبي فيني حرقته ..
استسمحك ف البعد ترى ما تراجعت ..
ما عاد ابلقى فيك شي فقدته ..
طبعك مثل غيرك وطبعي كما كنت ..
احب شخص ولا تركني تركته ..
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
ღ♥ღ آســـــــفــــــ ღ♥ღ 
العرض العادي
