قصيده متميزه لشاعر
استحق التميز بكل جداره
هو الشاعر المبدع فهد المساعد
قبل اسافر كنت جالس فـي زمـان الأنتظـار ..... ارتشف هـم المكـان وكـل همـي حاجتيـن
كنت خايف من يباس وكنت خايف من خضـار ..... كنت اخاف انك تجين وكنت خايـف ماتجيـن
لين شفتك من ورى بيبـان صـالات المطـار ..... مقبله من كثر شوقك كنـت اشوفـك تركضيـن
مرة ٍ ركضك يميـن ونظـرة عيونـك يسـار ..... ومرة ٍ ركضك يسار ونظـرة عيونـك يميـن
تايهـه ماكنـك الا ضحكـة ٍ وسـط انكسـار ..... ساكتـه ماكنـك الا دمعـة ٍ فيـهـا حنـيـن
خايفه وجله حزينه .. يعني كنتـي بأختصـار ..... تشرحين لكل عاشـق معنـى كلمـة عاشقيـن
بعدهـا جيتـك ولـدّت عينـك ودار الحـوار ..... من كفوفـي دمعتيـن ومـن كفوفـك دمعتيـن
كنت اصد وكنتي انتـي ثايـره مثـل الشـرار ..... ماعلى لتغة لسانك غير كلمة ( وين ؟ وين ؟ )
واذكر اني رحت قبـل ابديلـك ايّـة اعتـذار ..... رحت حتى قبل اطيّب خاطـرك فـي كلمتيـن
لكن انتي عارفتني زين واللـي صـار صـار ..... سامحينـي واذكرينـي قـدّ ماانتـي تقدريـن
اذكريني لاانتهت للشمـس رحلـه مـع نهـار ..... واذكرينـي لاصحـى للصبـح ورد الياسميـن
واذكريني لالمحتـي فـي ليالـي البـرد نـارو ..... اذكريني لاسمعتي للمطـر صـوت ٍ حزيـن
اذكريني واذكرينـي واذكرينـي .. بأختصـار ..... اذكري فهـد المساعـد قـدّ ماانتـي تقدريـن
تحيـــــــاتي
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
العرض العادي
