تدري وش اللي يجرح القلب جرحين=ويمد حبـل الحـزن فيـك ويشـدة
انك تناظر طفل مـن غيـر ابويـن=يمشي ودمعـة سايـل فـوق خـدة
منظر صعيب ويقسم القلـب قسميـن=لا قـام يمسـح دمعه بكـف يـدة
يمشي ولا يدري طريقة علـى ويـن=لين التعب من كثـر مـا تـاه هـدة
اثقل حـروف يشيلهـا فيـه حرفيـن=لا أب يـدري بـة ولا أم تـــردة
في خطوته رحلـة ودمعـة وسكيـن=وحـظ توسـد بالمراسـي مـخـدة
جيت اسألـة بالله قللـي ولـد ميـن=وبغي يجاوب وختنـق صـوت ردة
أنـا يتيـم ومـا لدربـي عنـاويـن=وجزر الحزن فينـي يسـاوي لمـدة
وطعم الطفولة ما عرفته لهـا لحيـن=وثوب السعادة صـرت مانيـب قـدة
ابكي إلى من شفت غيـري سعيديـن=ليـن البكـا فينـي يوصـل لحـدة
واقفي ورحت امسح دموعي من العين=وعيني تناظـر دمعتـه فـوق خـدة
وهذا هو اللي يجـرح القلـب جرحيـن=ويمد حبل الحـزن غصـب ويشـدة
منقووووول
مع تحيات
ــــــــــــــــ
فيلسوف العشاق
الإهداءات
يرجى التسجيل في إيميل صحيح حتى لاتتعرض العضويه للـ
العرض العادي
