لا تجـــاوبــني بلا برهــان وبليا أدلــــه ..
ولا توجه لي سؤالك قبل ما تسمع سؤالي ..
لا تكثر حكيك الفاضي تراني صرت أمله ..
ولا تجيب أعذارك اللي مالها أول وتالي ..
حبك أصعب لغز قابلته والأصعب منه حله ..
لا والادها والأمر أنك بحبي ما تبالي ..
والله أني ما رضيت أزود فوق الطين بله ..
مابي ابعث سرك المدفون في داخل خيالي ..
مثل ما قال المثل لا تجزي الزله بزله ..
من سقاك المر رد المر بين ايديه حالي ..
من شراك اشتره بالغالي ومن خلاك خله ..
ومن تغلى لازم يخلى ولو هو حيل غالي ..
صار فيني منك ما لا صار من خل لخله ..
من عرفتك ما أذكر أني يوم فيه أرتاح بالي ..
تحسب أني باشتكي للناس لا والله ولله ..
دام عندي عزه بنفسي وقدري فوق عالي ..
يالساني وصل بيوت القصايد له وقل له ..
ان اللي يدور للعلى يسهر الليالي ..
وقل له أني لا نويت بشي اثابر لين أصل له ..
ولو يكلفني وصوله ما وراي وما قبالي ..
وقل له أني لا تركت إنسان ما ني راجع له ..
دام فيني ما يبالي ليه يبقا وسط بالي ..
وقل له انه لا يجيب اعذاره بليا أدله ..
ولا يوجه لي سؤاله قبل ما يسمع سؤالي ..
تحياتي .... قلب إنســـــ 
ـــانه.
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
لا تجاوبني بلا برهان .. 
العرض العادي
