في احدى ليالي القوايل<<< منتب عاقل يا اجاثا كريستي واقطع خشتي واطلع العصافير
منها اذا عرفتوهـا يا الطخمـات.
..وزي اي شاب سعودي ملحط لاشغل ولا مشغله بين قوسين(عاطل
باطل) ابي ادوج وادور في ارجاء الرياض بس مالقيت مكان ادوج فيه أو بالاحرى<< متعوب على
بالاحرى مامعه قيمه بنزين قعدت افرفر بين القنوات وقلت مالك يارجال الا قناه ولد عمك الوليد روتانا
<<بالقوه ولد نعمه...وكان فييه ياااي سحرر عيوووووونه نظررررررراته اول ما تلآينا عين بعين...وتضيع مراجلي وقمت اهز على حبه ونص وفي اخر الكليب كان مكتوب إخراج ناااادين لبكي بـ الخط الفوشى...بتقولون يالقطيبـ ِ عسى ماشر عالمسكه وبقول اصبروا بلا طفاقه
بعدها جت اغنيه أنا عاوزاك...ومايا نصري تنطل بهالملابس وانا اقول ايه هين مادفعتي حقها ...وطبعآ باخر الكليب مكتوب إخراج ميرنااااااا خيااااط برضوا بلا طفاااقه يا حلووين اصبروا...وانا متكي وقاعد ادردب من ذا الشاهي( ادردب = اشرب للي ثقافتهم بلجيكيه) ..وبعدها جات الاغنيه الهيتز << اغدي مرقوق ياهيتز
المهم جت اغنيه الهيتزززز..حبيبي اررررب بص وبص وبص....حبيبي ارررب بص وبص وبص..؟......اروووووووووح حبل غسيل لعيونك ..يقولون ان البنات يوم شافوها طردوا شغالاتهم ووراهم نطلوا الغسالاات...الا قد سمعتي آآآآه ونص النسخه القصيميه تقولك.....مافيه حاجه تجى تسذا ..اركد حبيبي تسذا....وانكس زي زمان....ياوليدي اوحن تبي تدلعن وتاخذ عيني كمان...حبيبي اقرب قز وقز قز.....زعلان ازعل ازعل ..طز وطـز....( ابد والله مانيب بمجلود ابد)
المهم مالكــم بالطويله<< مهو كنه جحد.
...المهم طبعآ باخر الكليب مكتوب آخراج نااادين لبكي<< شكلي بشبك معها واصله الاخت...المهم نقزت بناء على نداء من الطبيعه...تنووويه الاخوه البلجيكين اعتذر لاسباب فسيولوجيه..لن نتمكن من شرح معنى نداء الطبيعه ...وانا راجع سمعت كارول سماحه تقول...اطلع فيا هيييك..هيدي مش عينيك...هيدي مش لمساااتك ..ياحبيبي ومش ايديك...اناماقهرني الا هالشين اللي معها يحلفون تبيع اهلك وتصير زيه الحين المسكينه كارول تلزق فيه وهو معطيها اشكل ...لنـا الله بعد مجددآ ارتزااااااز ناااادي لبكي
وانا قاعد اهوجس وين اسافر لندن ولا فيينا..<< لايكثر..سمعت بسكالوووووو << يالشباب طاحوا فيها فتره كانت طفره..تغني ليله بعد ليله..واكيد اخراج ميرنا خياااط ..حزتها اجتاحت احساسيسي خطمه << اجتاحت احاسيسي ماسرقتها من الادب العربي ابد...اظاهر ان ميرناا خياط وناادين لبكي وجيه قايم سوقهم قومه ليش يارجال ماتشتغل شغله اصرف لك منها تتريح ومنها تشوف وجيه سفره والشغله مايبي لها فن مغير ترووبع عالكرسي وتآمر على خلق الله...
المهم لكي تصلين الى القم يجب ان تتخطين الصعاب الا وهي ميرناا ونادين صبايا والظاهر الشغله يبيلها حريم ماعاد الرجال يملى العين الله يخلف فمن باب الاتيكيت << متعوب عليها مجددآ
....ولاني انسان طموح ومثابر وحلو<< الاخيره مالها دخل بس حسيت ودي احطها
...قلت خلاص الحل اني ...اني ....اني....اتبررررررررررررررقع وش رايكـم أنتـوا ..؟
الله يخلـف عليناا بس
تم اخراجها بواسطـة المايستـرو القطـيب في ليلـة كان الطفش يعمّ بهـا ارجـا المنـزل ..
تقبلوا تحياتيـ .
مسجات
لمسات
يرجى
التسجيل في إيميل صحيح حتى لاتتعرض العضويه للـ
حذف
الإهداءات
ـههههههههههههههههههههههههههههههـ 
العرض العادي
